نه‌وت و سامانی سروشتی

مافی مرۆڤ

ڕێکخراوی مەسەلە و بە ھاوکاری UNFPA ؤرکشۆپێکی چوار ڕۆژەی ئەنجامدا
ڕێکخراوی مەسەلە و بە ھاوکاری UNFPA ؤرکشۆپێکی چوار ڕۆژەی ئەنجامدا

          ڕێکخراوی مەسەلە و بە ھاوکاری UNFPA ؤرکشۆپێکی چوار ڕۆژەی ئەنجامدا لە سەرTraining of...

ڕێکخراوی مەسەلە بۆ پەرەپێدانی مرۆیی بەشداری کرد لە خولێکی ڕاهێنان
ڕێکخراوی مەسەلە بۆ پەرەپێدانی مرۆیی بەشداری کرد لە خولێکی ڕاهێنان

    ڕێکخراوی مەسەلە بۆ پەرەپێدانی مرۆیی بەشداری کرد لە خولێکی ڕاهێنانی دوو ڕۆژە لە شاری سلێمانی...

راپورتی چاودێریكردنی یاسای به‌ره‌نگاربوونه‌وه‌ی توندوتیژی خێزانی له‌ هه‌رێمی كوردستان
راپورتی چاودێریكردنی یاسای به‌ره‌نگاربوونه‌وه‌ی توندوتیژی خێزانی له‌ هه‌رێمی كوردستان

راپورتی چاودێریكردنی یاسای به‌ره‌نگاربوونه‌وه‌ی توندوتیژی خێزانی له‌ هه‌رێمی كوردستان٢٠١٣ PDF File

  • Font size:
  • Decrease
  • Reset
  • Increase

 

 

 

لە دریزەى کارو جالاکییەکانمان وەک ناوەندى ئافرەتانى شەقلاوە لە 30/11/2016  بە هاوکارى مرکز شبابى شەقلاوە هەستاین بە بیشکەش کردنى چالاکیه‌ک ئەویش بیشکەش کردنى جەند ئاوازو گۆرانى و پارچە مۆسیقا بوو کە نزیکەى 27 ئافرەت تیایدا ئامادەبون.

 

 

 

 

 

لە 29/11/2016 وەک ناوەندى ئافرەتانى شەقلاوە ڕیکخراوى مەسەللە بە هاوکارى ڕیکخراوى (انترسوس) هەستان بە پێشکەش کردنى سیمیناریک لەسەر (تحرش و جۆرەکانى و خۆباراستن لیی) کە لە لایەن بەربپسی ڕیکخراوى انترسوسەوە (هۆزان کریم) بیشکەش کراو تیایدا (32) ئافرەت بەشداربوون.

 

 

 

 

 

28/11/2016 وەک ناوەندى ئافرەتان لە شەقلاوە لە دووەم رۆژى چالاکییەکانماندا بە هاوکارى ڕێکخراوى (UPP) و پزیشکى ئافرەتان دکتورە (هدى سالم تائى) هەستاین بە پێشکەش کردنى بابەتیک لەسەر (زوو به‌ شوودان) و لایەنە نه‌رێنیه‌کانی کە تیایدا (35) ئافرەت بەشدار بوون.

بە هاوکارى (مرکز شباب) هەستاین بە بیشکەش کردنى بابەتیک لەسەر هۆشیارکردنه‌وه‌ی گەنجان لەسەر خراپ بەکارهینانى تۆڕە کۆمەڵاییەتیەکان و ئامیرەکانى بەیوەندى.

 

هەستاین بە دابەش کردنى جل و بەرگى ئافرەتان بەسەر ئەو ئافرەتانەى دوو گیانن کە تیایدا (13) ئافرەت سوودمەند بوون


 

 

 

 

 

 

-       لە 27/11/2016 وەک ناوەندى ئافرەتانى شەقلاوە و  دەستبییکى یەکەم رۆژى هەلمەتەکە هەستاین بە ئەنجامدانى جەند جالاکییەک

-       بیشکەش کردنى بابەتیک لەسەر توندوتیژى و بەرەنکاربوونەوەى توندوتیژى و خراب بەکارهینانى ئامیرەکانى بەیوەندى کە لەلایەن بەریوەبەرایەتى بەرەنکاربوونەوەى توندوتیژى ئافرەتانى شەقلاوە بیشکەش کرا.

 

-       وەک ڕێزێک بۆ ئافرەتان و بۆ ئەم هەلمەتە هەستاین بە دابەش کردنى جلو بەرکى ئافرەتان کە تیایدا (35) ئافرەت سوودمەند بوون

 

 

 

 

 

لە چوارچێوەی هەڵمەتی ١٦ رۆژەی بەرەنگاربوونەوەی توندوتیژی دژ بە ئافرەتان، سەنتەری ئافرەتانی ئۆزاڵ سمینارێکی بۆ ئافرەتانی ئاوارە و نیشتەجێی کۆمەڵگەی ئۆزال ستی بەڕێوە برد.

سمینارەکە لەلایەن سەلوا سەبری توێژەری دەروونی و یەکێك لە چالاکوانانی رێکخراوی (دی ئاڕ سی) پێشکەش کرا کە تیایدا هەڵوەستەی لەسەر کاریگەری پەروەردەی منداڵ لەناو خێزان کردەوە، لە بنیاتنانی نەوەیەکی ناتوندوتیژ و هەروەها نەوەیەکی تەندروست لە کۆمەڵگەیەکی تەندروستدا.

 

لەو سمینارەدا کە ٢٧ ئافرەتی ئاوارە و نیشتەجێی کۆمەڵگەی ئۆزال ستی بەشداربوون، توێژەرە دەروونییەکە ئەوەی بۆ بەشداربووان روون کردەوە کە جۆری پەروەردەی ئەوان لەناو خێزاندا کەسایەتی و داهاتووی منداڵەکانیان لەناو کۆمەڵگەدا دیاری دەکات.

 

 

 

 

 

سەنتەری ئافرەتانی ئۆزاڵ لە چوارچێوەی هەڵمەتی ١٦ رۆژەی بەرەنگاربوونەوەی توندوتیژی دژ بە ئافرەتان و بەهاوبەشی لەگەڵ کەنیسەی ئۆزال سمینارێكی تایبەتیان بۆ ئافرەتانی ئاوارە ساز کرد.

سمینارەکە لەناو هۆڵی کەنیسەی ئۆزاڵ بۆ (سەحەر فیلیپ) خاوەنی بڕوانامەی ماستەر لە زانستە دەروونییەکان ساز کرا کە ٧٠ ئافرەتی ئاوارە لە ئافرەتانی مەسیحی و موسڵمان بەشداربوون.         

توێژەری دەروونی سەحەر فیلیپ لەو سمینارەدا تیشکی خستە سەر چۆنیەتی مامەڵەکردن لەگەڵ لایەنە دەروونییەکان لە رووبەڕووبوونەوەی ئەو رووداوانەی دێنە پێشەوە، بەتایبەت بۆ ئافرەتانی ئاوارە کە لە ژێر فشارێکی زۆردان لەرووی ئابووری، کۆمەڵایەتی و دەروونییەوە و پێویست دەکات ئەوان لەرووی دەروونییەوە هیچ کاتێک تەسلیمی ئەو واقیعە نەخوازراوە نەبن کە رووبەڕوویان دەبێتەوە، چونکە ئەوەی لەبارەی ئافرەتانی ئاوارە هاتووەتە پێشەوە، بارودۆخێكی کاتییە و تێپەڕ دەبێت.

ئامانج لەو سمینارەدا هەروەها نزیک کردنەوەی ئافرەتانی کۆمەڵگەی ئۆزال بوو کە بە جیاوازییەکانیان لەرووی ئایینی و نەتەوەییەوە دەتوانن لەسەر کۆمەڵێک پرسی سەرەکی هاوبەش و پێکەوە بن.

 

کۆمەڵگەی ئۆزال ستی سەرووی هەزار خێزانی ئاوارە لەخۆدەگرێت کە بەسەر ئایینی موسڵمان و مەسیحی و ئێزدی و شەبەک دابەش دەبن. 

 

 

 

 

سه‌نته‌ری ئافره‌تانی ئۆزاڵ له‌ كۆمه‌ڵگه‌ی ئۆزال ستی له‌چوارچێوه‌ی هه‌ڵمه‌تی 16 رۆژه‌ی به‌ره‌نگاربوونه‌وه‌ی توندوتیژی دژی ئافره‌تان له‌ هه‌رێمی كوردستان، سمینارێكی تایبه‌ت به‌ مافه‌ یاساییه‌كانی ئافره‌تان بۆ ئافره‌تانی ئاواره‌ و نیشته‌جێی كۆمه‌ڵگه‌ی ئۆزال ستی ساز كرد.

ئه‌مڕۆ سێشه‌م 29ی تشرینی دووه‌می 2016 سه‌نته‌ری ئافره‌تانی ئۆزاڵ سیمنارێكی بۆ پارێزه‌ر رۆژ زاده‌ شاره‌زای یاسایی و چالاكی مه‌ده‌نی ساز كرد.

له‌و سیمناره‌دا كه‌ زیاتر له‌ 30 ئافره‌تی ئاواره‌ و نیشته‌جێی كۆمه‌ڵگه‌ی ئۆزال ستی تێیدا به‌شدار بوون، پارێزه‌ری ناوبراو به‌وردی تیشكی خسته‌ سه‌ر مافه‌ یاساییه‌كانی ژنان له‌ یاساكانی عێراق و هه‌رێمی كوردستاندا.

سمیناره‌كه‌ كه‌ له‌ كاتژمێر 10:00 تا 12:00 به‌رده‌وام بوو، له‌چوارچێوه‌ی هه‌ڵمه‌تی 16 رۆژه‌ی به‌ره‌نگاربوونه‌وه‌ی توندوتیژی دژ به‌ ئافره‌تان به‌ڕێوه‌ چوو.

پارێزه‌ر رۆژ زاده‌ له‌و سیمناره‌دا جگه‌ له‌ شیكردنه‌وه‌ی مافه‌ یاساییه‌كانی ئافره‌تان له‌ یاساكانی عێراق و هه‌رێمی كوردستاندا، ئاماژه‌ی به‌ گرنگی یاسای به‌ره‌نگاربوونه‌وه‌ی توندوتیژی خێزانی كرد له‌ هه‌رێمی كوردستاندا كه‌ له‌و رێگه‌یه‌وه‌ ئه‌و ژنانه‌ی توندوتیژییان به‌رامبه‌ر ده‌كرێت، ده‌توانن په‌نا بۆ دادگا ببه‌ن و مافه‌كانیان به‌شێوه‌یه‌كی یاسایی به‌ده‌ست بێنن.

له‌ كۆتایی سیمناره‌كه‌، نامیلكه‌یه‌كی تایبه‌ت به‌ مافه‌ یاساییه‌كانی ژنان له‌ عێراق و هه‌رێمی كوردستان پێشكه‌ش به‌ ژنانی به‌شداربووی سمیناره‌كه‌ كرا.

 

كۆمه‌ڵگه‌ی ئۆزال ستی سه‌تان خێزانی ئاواره‌ی ناوخۆیی عێراقی له‌خۆگرتووه‌، كه‌ به‌سه‌ر پێكهاته‌كانی وه‌ك كورد، عه‌ره‌ب، كلدان و هه‌روه‌ها مسوڵمان، مه‌سیحی، ئێزدی و شه‌به‌ك و پێكهاته‌كانی دابه‌ش ده‌بن، هه‌روه‌ها سه‌رووی 50 خێزانی په‌نابه‌ری سوریایی له‌و كۆمه‌ڵگایه‌دا نیشته‌جێ بوون.

 

 

 

 

 

 

رۆژى دوو شەمە رێکەوتى 28ى تشرینى دووەمى 2016 لە ناو شارى ئۆزال ستى، لەلایەن سەنتەرەکەمان دووەمین چالاکى لە میانەى هەڵمەتى بەرەنگاربوونەوەى توندوتیژى دژ بە ئافرەتان بەڕێوە چوو.

چالاکییەکە بریتى بوو لە دابەشکردن و هەڵواسینى پۆستەرات لەلایەن خۆم و خۆبەخشەکانم لەناو شارى ئۆزاڵ دابەشکردنى پۆستەرات بۆ زۆربەى ماڵەکان نزیکەى (50) ماڵ ئەبوون وەهەڵواسینى پۆستەرە گەورەکانیش لەشوێنە رسمیەکان و ناو بازار و حامود و دیوارەکانى ناو شارى ئۆزاڵ.

 

چاڵاکییەکە لە کاتژمێر 9:30 خوولەک دەستمان پێ کرد و لە کاتژمێر 12:30 خوولەک کۆتایى هات.

 

 

 

 

 

 

سه‌نته‌ری ئافره‌تانی ئۆزاڵ له‌ كۆمه‌ڵگه‌ی ئۆزال ستی له‌ رۆژهه‌ڵاتی شاری هه‌ولێر، له‌چوارچێوه‌ی هه‌ڵمه‌تی 16 رۆژه‌ی به‌ره‌نگاربوونه‌وه‌ی توندوتیژی دژی ئافره‌تان له‌ هه‌رێمی كوردستان، یه‌كه‌م چالاكی بۆ هۆشیاركردنه‌وه‌ی ئافره‌تانی ئاواره‌ و په‌نابه‌ر له‌و كۆمه‌ڵگه‌یه‌دا به‌ڕێوه‌ برد.

ئه‌مڕۆ یه‌كشه‌مه‌ 27ی تشرینی دووه‌می 2016 سه‌نته‌ری ئافره‌تانی ئۆزاڵ سمینارێكی بۆ عه‌قید زمناكۆ به‌ڕێوه‌به‌ری بنكه‌ی كه‌سنه‌زان بۆ به‌ره‌نگاربوونه‌وه‌ی توندوتیژی دژی ئافره‌تان ساز كرد. له‌و سمیناره‌دا 35 ئافره‌تی ئاواره‌ی عه‌ره‌ب، مه‌سیحی، كورد و ئێزدی به‌شدارییان كرد.

له‌و سمیناره‌دا عه‌قید زمناكۆ به‌ڕێوه‌به‌ری بنكه‌ی به‌ره‌نگاربوونه‌وه‌ی توندوتیژی دژی ئافره‌تان له‌ كه‌سنه‌زان، باسی له‌ جۆر و شێوازه‌كانی توندوتیژی به‌رامبه‌ر به‌ ئافره‌تان كرد، هه‌روه‌ها به‌وردی شێوازه‌كانی په‌نابردن بۆ یاسا و دادگاكان روونكرده‌وه‌ بۆ ئه‌و ئافره‌تانه‌ی رووبه‌ڕووی توندوتیژی ده‌بنه‌وه‌. به‌و ئامانجه‌ی كه‌ ئافره‌تان له‌كاتی ئه‌نجامدانی توندوتیژی له‌ به‌رامبه‌ریاندا، چۆن ده‌توانن سوود له‌ رێوشوێنه‌ یاساییه‌كان وه‌ربگرن به‌ ئاراسته‌كردنی چاره‌سه‌ركردنی كێشه‌كه‌یان.

عه‌قید زمناكۆ هه‌ر له‌و سمیناره‌دا ئه‌و خزمه‌تگوزارییانه‌ی خسته‌ روو كه‌ له‌لایه‌ن بنكه‌كانی به‌ره‌نگاربوونه‌وه‌ی توندوتیژی دژی ئافره‌تان له‌ هه‌رێمی كوردستان پێشكه‌ش به‌و ئافره‌تانه‌ ده‌كرێت كه‌ توندوتیژییان به‌رامبه‌ر ده‌كرێت و بۆ چاره‌سه‌ركردنی كێشه‌كه‌یان سه‌ردانی بنكه‌كانیان ده‌كه‌ن.

هه‌ر له‌و سمیناره‌دا كه‌ له‌ سه‌عات 9:30 خووله‌ك ده‌ستی پێكرد و له‌ 12:30 خووله‌ك كۆتایی هات، ئه‌ڤین به‌كر توێژه‌ری كۆمه‌ڵایه‌تی و به‌رپرسی بنكه‌ی ئافره‌تانی ئۆزاڵ، ئاماژه‌ی به‌وه‌ كرد كه‌ پێویسته‌ ئافره‌تان هۆشیارییان له‌باره‌ی مافه‌ یاساییه‌كانیان هه‌بێت به‌ جۆرێك كه‌ بتوانن سود له‌ رێوشوێنه‌ یاساییه‌كان وه‌ربگرن بۆ پارێزگاری له‌ خۆیان به‌رامبه‌ر به‌ هه‌ر توندوتیژییه‌كی جه‌سته‌یی و ده‌روونی كه‌ به‌رامبه‌ریان ئه‌نجام بدرێت.

ئه‌ڤین به‌كر هه‌روه‌ها ئاماده‌یی ته‌واوی سه‌نته‌ره‌كانی ده‌ربڕی بۆ به‌دواداچوونی دۆسیه‌ی ئه‌و ئافره‌تانه‌ی له‌رووی جه‌سته‌یی و ده‌روونییه‌وه‌ توندوتیژییان به‌رامبه‌ر ده‌كرێت كه‌ له‌ ماوه‌ی ساڵی رابردووه‌وه‌ به‌ به‌رده‌وامی خزمه‌تگوزاری كۆمه‌ڵایه‌تی، ده‌روونی و یاساییان پێشكه‌ش به‌و ئافره‌تانه‌ كردووه‌، بۆ چاره‌سه‌ركردنی كێشه‌كانیان په‌یوه‌ندییان پێوه‌ كردوون و له‌و رووه‌وه‌ توانیویانه‌ به‌هاوكاری تیمه‌ تایبه‌ته‌كانی رێكخراوی مه‌سه‌له‌ بۆ په‌ره‌پێدانی توانا مرۆییه‌كان چه‌ندین كێشه‌ی ئافره‌تان چاره‌سه‌ر بكه‌ن.

پاش ته‌واوبوونی سمیناره‌كه‌، هه‌ر له‌ناو سه‌نته‌ری ئافره‌تانی ئۆزاڵ، پیشانگه‌یه‌كی تایبه‌ت به‌ كاره‌ ده‌ستییه‌كانی ئه‌و ئافره‌تانه‌ كرایه‌وه‌ كه‌ پێشتر به‌شدارییان له‌ خوله‌كانی سه‌نته‌ری ئۆزاڵ كرد بوو، به‌مه‌به‌ستی فێربوونی كاره‌ ده‌ستییه‌كان.

 

سه‌نته‌ری ئافره‌تانی ئۆزاڵ له رۆژانی داهاتوودا و له‌ چوارچێوه‌ی هه‌فته‌ی به‌ره‌نگاربوونه‌وه‌ی توندوتیژی دژی ئافره‌تان، چه‌ندین چالاكی له‌ناو ئاواره‌كانی كۆمه‌ڵگه‌ی ئۆزال ستی به‌ڕێوه‌ ده‌بات.

 

 

 

 

لەریکەوتی 29-11-2016 هەستاین بە ئەنجامدانی سیمیناریک لەسەنتەرەکەمان  بۆ21 ژن و کجی ئاوارەی قەزای خبات سیمینارەکەسەبارەت بە نەخۆشی ئایدز بوو لەلایەن دانیا ل خان لە منڤەمەی (upp)پیشکەشکرا .

5466741
ئه‌مڕۆ
دوێنێ
ئه‌م هه‌فته‌یه‌
هه‌فته‌ی رابردوو
ئه‌م مانگه‌
مانگی رابردوو
هه‌موو رۆژه‌كان
2063
2052
8492
5442274
15162
75487
5466741